Txirri, Mirri eta Txiribiton

Bitxikeriak

  • Pailazo taldea beti izan da hirukotea 1974an Bergaran egin zuten emankizun batean izan ezik. Bertan, lau pailazo aritu ziren: Kixki, Mixki, Kaxka eta Melon (Jose Ignazio AnsorenaAndoni EzeizaPako Etxebeste eta Iñaki Larrea apaiz-misiolaria).
  • 1975ean, saioetarako bidaietan polizien kontroletan sarri zituzten arazoak errazago gainditzeko asmoz, pailazo profesionalen baimena ere atera zuten. Donostiako La Perla diskotekan egin zuten azterketa, garai hartan beharrezko baitzen Sindikatu Bertikaleko profesional txartela.
  • Musikari garrantzia handia ematen zioten eta beraien saioetara SaxofoiaBonbardinoa eta teklatu txiki bat eramaten hasi ziren. Bonbardinoa erosteko 100.000 pezetako kreditua eskatu behar izan zuten 1979an.
  • Pailazoei hiru aldiz lehergailuak jarri zizkien poliaziak. Lehenengo bietan ez zen txikizio handiegirik izan, baina bai hirugarrenean. Pailazoak ibili ziren hondakinak dena garbitzen.
  • Beraien ibilbide luzeko porrot bakarra 1983an izan zuten, Pasai AntxonGipuzkoan. San Ferminetan, zezen plaza mugikorra jarri zuten eta zezenen aurretik Kixki, Mixki eta Kaxkamelonek beraien ikuskizune eman behar zuten. Taulara atera zirenean ordea, bertan haurrik ez zegoela eta gehienak helduak eta mozkorrak zirela ikusi zuten. Saioa hasi zuten eta esketx batean, Kaxkamelon eszenatokitik atera zenean, ikusle batek besotik heldu eta esan zion: ¡A ver cuándo acabáis, hijoputas!. Hura izan da, amaitu gabe utzi duten saio bakarra.
  • Don Don Kikilikon saioa irailean emititzen hastekoak ziren. Baina ETB oraindik sorrera fasean zegoen eta dena antolatzeko zegoen. Azkenean, data atzeratu eta lehenengo atala 1984ko abenduaren 22an eman zuten eta bigarrena abenduaren 29an. Hirugarren kapitulua 1985eko urtarrilaren 5ean, errege bezperan ematekoak ziren, baina ETBko langileek greba egin zuten eta grabatuta zegoen atal hori, ez zen inoiz emititu (saio horretan, ETBko zuzendaria zen Luis Aranberri ‘Amatiño’ agertzen zen).
  • Egoera berezietan pertsonaia famatuek ere imitatu izan dituzte hiru pailazoak. Iñaki Perurenak Txiribitonen lehengusuarena egin zuen telebistako saio batean eta Xabier EuzkitzekIñaki Muruak eta Millan Telleriak Txirri, Mirri eta Txiribitonen pertsonaiak antzeztu zituzten Euskaldunon Egunkariaren aldeko jaialdi batean.
  • Telebistako lanetan haien lantaldeetan hasi ziren gaur egun hedabideen profesional famatu diren asko: Andoni EgañaJaime OtamendiKarlos Zabala eta Eneko OlasagastiKike Amonarriz… Bai eta musikari maila handikoak aritu ere: Karlos GiménezAitor AmezagaIñaki SalvadorJoserra SenperenaMixel Ducau… Aktoreen artean, berriz, aipagarri dira Mikel GarmendiaKontxu OdriozolaJose Ramon SoroizElena IruretaAitzpea GoenagaRamon AgirreJoseba ApaolazaAinere Tolosa