Kontaktua

Kontratazioa eta zalantzak

 

Bi emanaldi eskaintzen ditugu, bata Patxistein Doktorea, antzokietarako ezin egokiagoa. Bestea Erromirria, kalerako, jai girorako aproposa.

– TXIRRI, MIRRI ETA TXIRIBITON – PATXISTEIN DOKTOREA izeneko ikuskizun berria, 2016ko abenduan estreinatutakoa. Oraingo honetan, hiru pailazoek Patxistein Doktorea izeneko pertsonaiarekin egingo dute topo eta zientzilari zoro honen maltzurkeriak saihesten biziko dituzten abenturetan oinarritzen da ikuskizuna. Orain hogeita bost urte plazaratutako funtzio arrakastatsu bera da, hainbat arlo berrikusi eta egokitu direlarik. Ilargira joateko asmotan Tortolika II izeneko espazio untzia antolatu dute eta, ohi bezala, gaizki atera zaie. Patxistein Doktorearen herrian lurreratu dira. Gaizto honek hiru pailazoen doaiak zurrupatu nahi ditu munduko pertsonarik ederren, azkarren eta indartsuen bihurtzeko. Ez du, baina, bere nahia lortuko, hiru lagunak kalamidade samarrak izan arren, beti onik irtetzen direlako ataka gaizto guztietatik.

Horrekin batera hainbat pasadizo barregarri eta kanta bizi eskainiko dituzte ordu beteko saio dinamiko eta umoretsuan. 

 – ERROMIRRIA izeneko ikuskizuna, kalean egiteko aproposa (antzokirako molda litekeena), pailazoon abestiak, dantzak eta esketx barregarriak tartekatzen dituena.

Informazio gehiago nahi? Zalantzaren bat duzu? Pailazoak kontratatu nahi akaso? Beste proposamenik egin nahi? Jar zaitez gurekin harremanetan!

TXMTXB

 

Txirri, Mirri eta Txiribiton:

txirrimirritxiribiton@gmail.com

kontaktua@txirrimirrietatxiribiton.eus

Kattalin Ansorena (Mirri)

kattalinansorena@gmail.com